Духовность

Пробашч смаргонскай парафіі св. Міхала Арханёла Павел Шчарбіцкі - новапрызначаны дэлегат салезіянаў у Беларусі

Просмотров: 200
Smorgon.by

У суботу 18 чэрвеня уступіў на пасаду новапрызначаны рэгіянальны настаяцель салезіянскага таварыства ў Беларусі ксёндз Павел Шчарбіцкі SDB.



Як паведамляе Сatholic.by, уступленне на пасаду адбылося падчас урачыстай святой Імшы ў парафіі святога Міхала Арханёла ў Смаргоні, дзе нясуць служэнне салезіяне ксяндза Боско.

 

 

 

 

Гэта была таксама нагода для падзякі за дзевяць гадоў служэння ў якасці рэгіянальнага настаяцеля салезіянскага таварыства ў Беларусі ксяндза Віктара Гайдукевіча SDB.

Цэлебрацыю Эўхарыстыі ўзначаліў біскуп Аляксандр Яшэўскі SDB, а гамілію прамовіў новапрызначаны дэлегат, які ў Божым слове разважаў над Евангеллем і пакліканнем.

 

 

 

 

 

 

 

 

 

 

 

 

 

 

Пасля гаміліі найстарэйшы салезіянін у нашай краіне ксёндз Здзіслаў Вэдэр SDB зачытаў ліст аб прызначэнні ксяндза Паўла Шчарбіцкага на пасаду рэгіянальнага настаяцеля салезіянскага таварыства на Беларусі, а ксёндз Павел, прымаючы пасаду, прамовіў Апостальскі сімвал веры.

Пасля гэтага ксёндз Здзіслаў і ксёндз Павел на алтары падпісалі адпаведныя дакумэнты.

 

На заканчэнне святой Імшы былі зачытаныя лісты да былога і новапрызначанага дэлегата ад інспектара салезіянскай інспекторыі святога Станіслава Косткі ў Варшаве ксяндза Тадэвуша Ярэцкага SDB, у якіх ён выказаў падзяку ксяндзу Віктару Гайдукевічу за руплівую і адданую працу ў якасці рэгіянальнага настаяцеля на працягу дзевяці гадоў, а таксама пажадаў ксяндзу Паўлу Шчарбіцкаму адвагі і Божага благаслаўленне на новым і адказным этапе рэалізацыі салезіянскага паклікання.

 

 

 

 

 

 

 

Словы падзякі былому дэлегату выказалі прадстаўнікі ўсіх галінаў салезіянскай сям’і: сёстры салезіянкі, салезіяне супрацоўнікі, суполка ADMA і моладзь.

 

Лейтматывам кожнай падзякі было тое, што на працягу апошніх дзевяці гадоў кожны адчуваў па-сапраўднаму айцоўскую апеку ксяндза Віктара, падтрымку і клопат аб салезіянскай справе на Беларусі.

Біскуп Аляксандр Яшэўскі, у сваю чаргу, узгадаў, як яны разам з ксяндзом Віктарам дзевяць гадоў таму падчас перэгрынацыі рэліквій святога Яна Боско па Беларусі распачалі новую старонку гісторыі салезіянскага таварыства на нашых землях. Іерарх заўважыў, як шмат было хваляванняў і планаў, складаных рашэнняў, перспектываў развіцця. Біскуп адзначыў наступныя пункты, якія дасягнула салезіянскае таварыства ў нашай краіне падчас знаходжання ксяндза Віктара Гайдукевіча на пасадзе рэгіянальнага настаяцеля:

аб’ядналіся ўсе салезіянскія супольнасці Беларусі, пачаўся працэс развіцця і станаўлення салезіянскай духоўнасці на нашых землях;

салезіянская харызма стала вельмі заўважнай у беларускім Касцёле, дынамізм развіцця таварыства выклікаў увагу і захапленне;

салезіяне сталі для многіх прыкладам адвагі ў працы і рэалізацыі пастаўленых мэтаў;

было ўпарадкавана прававое дзеянне салезіянскіх структур на касцёльным і дзяржаўным узроўні;

сфармаваўся адметны салезіянскі стыль працы з моладдзю;

быў створаны офіс развіцця дэлегатуры — свецкіх асоб, якія працуюць дзеля равіцця і пашырэння салезіянскай харызмы.

Гледзячы на ўсе гэтыя пункты, хочацца сказаць ксяндзу Віктару толькі адно слова — дзякуй!» — падвёў вынік біскуп Яшэўскі.

Звяртаючыся да ксяндза Паўла, іерарх адзначыў, што добра ведае новапрызначанага дэлегата, таму ўпэўнены, што салезіянскае таварыства на Беларусі ў надзейных руках, а таксама пажадаў святару адвагі і поспехаў на новай і адказанай пасадзе.

Напрыканцы ксёндз Віктар Гайдукевіч выказаў падзяку за добрыя словы і падкрэсліў, што ўсе яны адносяцца не да яго асабіста, а да кожнага сабрата і кожнага члена салезіянскай сям’і, бо на працягу апошніх дзевяці гадоў ён адчуваў неверагодную падтрымку і ўзрастаў разам з усімі, чэрпаў энергію і натхненне ад кожнага і дзякуючы гэтаму знаходзіў сілы рухацца далей. Былы настаяцель запэўніў, што і надалей будзе рупліва працаваць дзеля дабра салезіянскага таварыства ў Беларусі.

 



НРАВИТСЯ
СУПЕР
5
ХА-ХА
УХ ТЫ!
СОЧУВСТВУЮ




Авторизуйтесь, чтобы оставить комментарий



НА ГЛАВНУЮ